ఆంధ్రప్రదేశ్, వైజాగ్, 20 ఆగస్టు ( శుభ తెలంగాణ ప్రతినిధి /అప్పలరాజు ) హోంవర్క్ పూర్తి చేయలేదనే కారణంతో ఉపాధ్యాయురాలు దాడి చేసిందన్న ఆరోపణల నేపథ్యంలో ఆరేళ్ల ఎల్‌కేజీ విద్యార్థి మృతి చెందిన ఘటన ఆంధ్రప్రదేశ్ లోని విశాఖపట్నంలో కలకలం రేపింది. లిటిల్ గార్డెన్ స్కూల్‌లో చదువుతున్న ప్రణయ్ తేజ్ అనే బాలుడు ఈ ఘటనలో మృతి చెందినట్లు కుటుంబ సభ్యులు తెలిపారు.
కుటుంబ సభ్యుల ఆరోపణల ప్రకారం.. హోంవర్క్ పూర్తి చేయలేదని బాలుడి దుస్తులు తరగతి గదిలోనే తొలగించి,ఉపాధ్యాయురాలు కొట్టినట్లు తెలిపారు. దీంతో బాలుడు తీవ్రంగా ఏడుస్తూ దగ్గడం ప్రారంభించి, అనంతరం ఉపాధ్యాయురాలిపై కుప్పకూలినట్లు పేర్కొన్నారు.
వెంటనే బాలుడిని ఆస్పత్రికి తరలించగా.. వైద్యులు అప్పటికే మృతి చెందినట్లు నిర్ధారించినట్లు కుటుంబ సభ్యులు తెలిపారు. ఘటనపై పోలీసులు దర్యాప్తు చేపట్టి, బాలుడి మృతికి గల అసలు కారణాలను నిర్ధారించాల్సి ఉంది.
