ప్రైవేట్ రంగానికి చెందిన దిగ్గజ బ్యాంక్ హెచ్‌డీఎఫ్‌సీ బ్యాంక్ తన కస్టమర్లకు తీపికబురు అందించింది. కొత్త సర్వీసులు అందుబాటులోకి తీసుకువచ్చింది. దీంతో మీరు ఏటీఎం సెంటర్‌కు వెళ్లాల్సిన పని లేదు. మీ ఇంటి వద్దనే డబ్బులు విత్‌డ్రా చేసుకోవచ్చు. మీ ఇంటి వద్దకే ఏటీఎం వస్తుంది. కరోనా వైరస్ శరవేగంగా విస్తరిస్తున్న నేపథ్యంలో బ్యాంక్ ఈ నిర్ణయం తీసుకుంది. 19 పట్టణాల్లో మొబైల్ ఏటీఎం సర్వీసులు ప్రారంభించామని హెచ్‌డీఎఫ్‌సీ బ్యాంక్ తెలిపింది. హెచ్‌డీఎఫ్‌సీ బ్యాంక్ ట్విట్టర్ వేదికగా ఈ విషయాన్ని వెల్లడించింది. మొబైల్ ఏటీఎంల ద్వారా కస్టమర్లు క్యాష్ విత్‌డ్రాయెల్, ఏటీఎం పిన్ మార్పు, రీచార్జ్, బిల్లుల చెల్లింపు ఇలా 15 రకాల ట్రాన్సాక్షన్లను నిర్వహించొచ్చని బ్యాంక్ తెలిపింది. మొబైల్ ఏటీఎంలు ఒక రోజులో పట్టణంలోని 3-4 ప్రాంతాల్లో ఉంటాయి. మీరు అక్కడికి వెళ్లి డబ్బులు తీసుకోవచ్చు. లేదంటే ఇతర లావాదేవీలను నిర్వహించొచ్చు.

By admin

Leave a Reply

Your email address will not be published. Required fields are marked *