శుభ తెలంగాణ | హైదరాబాద్‌ ప్రతినిధి: కే. నరేష్‌ యాదవ్‌
హైదరాబాద్‌: ప్రభుత్వ ఉద్యోగులు కృత్రిమ మేధస్సు (ఏఐ)పై అవగాహన పెంపొందించుకుని, ఆధునిక సాంకేతికతను తమ విధుల్లో సమర్థవంతంగా వినియోగించుకోవాలని సూచించారు. హైదరాబాద్‌లోని ఎం.సీ.ఆర్‌.హెచ్‌.ఆర్‌.డీ.లో ప్రణాళికా శాఖ సహకారంతో టీజీ మ్యాథ్‌ చేపట్టిన ‘ఏఐ సాక్షమ్‌’ కార్యక్రమాన్ని ప్రారంభించారు. ప్రభుత్వ పాలనలో సాంకేతికత వినియోగాన్ని పెంచడంతో పాటు, ఉద్యోగుల పనితీరును మెరుగుపరిచేందుకు ఈ కార్యక్రమం దోహదపడనుంది.
ఏఐ వినియోగం ద్వారా పనుల్లో సమయం ఆదా అవుతుందని, ఆ సమయాన్ని ప్రజలకు వేగవంతమైన, మెరుగైన సేవలు అందించేందుకు ఉపయోగించాలని సూచించారు. ప్రభుత్వ శాఖల్లో ఆధునిక సాంకేతిక పరిజ్ఞానాన్ని సమర్థంగా వినియోగించడం ద్వారా సేవల నాణ్యతను పెంచే అవకాశం ఉందని పేర్కొన్నారు. సాంకేతికతను ఉపయోగించుకోవడంలో ప్రధాన ఉద్దేశం కేవలం పనులను వేగంగా పూర్తి చేయడం మాత్రమే కాకుండా, ప్రజల జీవితాల్లో సానుకూల మార్పు తీసుకురావడమేనని స్పష్టం చేశారు.
ప్రభుత్వ ఉద్యోగులు ఏఐపై అవగాహన పెంచుకుని, తమ విధులకు అనుగుణంగా దాన్ని వినియోగించుకోవడం ద్వారా ప్రజలకు మరింత సమర్థవంతమైన సేవలు అందించవచ్చని ఈ కార్యక్రమం ద్వారా తెలియజేశారు.
